Pestanas principais

Departamento de Cultura

    • Enderezo: Casa da Cultura do Milladoiro. Travesia do Porto, s/n, O Milladoiro. 15895 Ames.
    • Teléfono:  662 37 74 44
    • Responsable municipal: Concellaría de Cultura
    • Responsable técnico: María José Vázquez Bermúdez, Técnica de Animación Sociocultural.
Outros Datos: 
  • Funciones:
    • Xestionar as actividades e eventos que desde o Departamento de Cultura se poñen en marcha, responsabilizándose do seu adecuado desenvolvemento.
    • Informar e asesorar aos grupos e entidades culturais do concello, así como ao público en xeral, valorar as demandas dos cidadás e incentivar a participación.
    • Xestionar os programas culturais que oferta a Deputación, Rede Cultural, Xunta de Galicia, AGADIC e Cultura no Camiño. Solicitude,desenvolvemento, xustificación.
    • Tramitar as axudas económicas correspondentes á área de cultura, tanto as que se solicitan desde o Concello, coma as que se convocan desde a Concellaría de Educación e Cultura de apoio as entidades culturais e comisións de festas.
    • Coordinar e xestionar as Escolas Culturais Municipais.

Novas do departamento

A Casa da Cultura do Milladoiro acolle este venres a obra de teatro “Voa Voa”

O departamento de Cultura do Concello de Ames propón para este venres unha peza teatral dirixida a público familiar. A programación cultural de 2024 continúa o venres, 5 de baril, ás 18:00 horas, coa obra de teatro “Voa Voa”. O espectáculo, producido por Talía Teatro, está dirixido a un público familiar e pretende ser unha invitación a recuperar ditos, retrousos e xogos populares para transmitirllos aos máis pequenos da casa. Aínda quedan algunhas entradas dispoñibles que se poden adquirir na Billeteira electrónica. Esta programación forma parte do convenio de colaboración entre a Axencia Galega das Industrias Culturais (AGADIC) e o Concello de Ames. Ademais, o departamento de Bibliotecas organiza para este xoves 4 de abril, ás 18:00 horas, a presentación do libro "Voa Voa", de Artur Trillo.

A Casa da Cultura do Milladoiro acolle un concerto de corais para conmemorar o Día Internacional da Música

A Asociación Cultural Antonio Santomil, en colaboración co Concello de Ames e a Deputación da Coruña, organiza este domingo un concerto de corais para conmemorar o Día Internacional da Música. A Coral Polifónica de Bugallido, a Coral Polifónica Fonte do Souto de Culleredo e a Coral Polifónica Ars Cantorum de Ponteareas serán as encargadas de levar a música ao auditorio da Casa da Cultura do Milladoiro. O concerto terá lugar este  domingo, 29 de setembro, ás 20:00 horas con entrada de balde.

A Casa da Cultura do Milladoiro acolleu o curso de programación audiovisual e iluminación escénica QLab5, organizado por Escena Galega

O auditorio da Casa da Cultura do Milladoiro foi o escenario do curso de programación audiovisual e iluminación no traballo escénico QLab5, que se desenvolveu os días 7, 8 e 9 de novembro. A actividade estivo organizada pola Asociación Galega de Empresas de Artes Escénicas, Escena Galega, coa colaboración do Concello de Ames, coa meta de especializar aos asistentes no manexo do software de reprodución multimedia QLab para mellorar así o traballo das produtoras escénicas profesionais galegas. Nela participaron 15 profesionais do ámbito audiovisual.

A Casa do Rock, Onda Dagda, Biribirlocke, Agoraphobia e Dakidarría protagonizan a XIII edición do Millarock

Todo está listo no Milladoiro para acoller a décimo terceira edición do festival Millarock, que se desenvolverá este venres 2 de agosto no anfiteatro do Milladoiro e no aparcadoiro da Travesía do Porto (en fronte da escola infantil). O evento, organizado polo departamento de Cultura de Ames coa colaboración da Deputación da Coruña e a Xunta de Galicia, é xa unha das citas musicais consolidadas do concello, e naceu co obxectivo de promover o rock galego e de impulsar grupos emerxentes da contorna, combinándoos coas actuacións doutras bandas xa consolidadas. Nesta ocasión contarase coa Casa do Rock, Onda Dagda, Biribirlocke, Agoraphobia e Dakidarría. A entrada será libre e de balde.

A comedia teatral “As r(h)umorosas" pecha este venres a programación de artes escénicas

Para este venres o departamento de Cultura do Concello de Ames propón unha peza teatral dirixida a público adulto.  A programación cultural do primeiro semestre de 2024 remata mañá, 3 de maio, ás 20:30 horas, coa comedia teatral "As r(h)umorosas". O espectáculo, producido por Etiqueta Negra, emprega o humor para poñer en valor as figuras das grandes mulleres ilustres da historia de Galicia. As entradas para esta obra están esgotadas. Esta representación forma parte do convenio de colaboración entre a Axencia Galega das industrias Culturais (AGADIC) e o Concello de Ames.

A compañía Berrobambán representa este martes no Milladoiro a obra Ubasute

O Concello de Ames, a través do departamento de Cultura, continúa coa súa ampla oferta de espectáculos no ámbito das artes escénicas. Neste lugar, o vindeiro martes 25 de marzo, ás 20.30 horas, o auditorio do Milladoiro acollerá a representación da obra “Ubasute” de Berrobambán. Os convites para esta obra pódense descargar de xeito gratuíto na Billeteira electrónica do Concello de Ames. Esta programación é unha actividade de mediación que a compañía Berrobambán desenvolve por estar a facer unha residencia artística no noso concello.

A compañía Talía Teatro celebra os 20 anos da obra “Bicos con lingua” cunha función para o alumnado do IES do Milladoiro

Hoxe, martes 25, a compañía Talía Teatro celebra os 20 anos do espectáculo “Bicos con lingua”, realizando unha función ás 12:00 horas para o alumnado do IES do Milladoiro na Casa da Cultura da localidade. Trátase dunha obra que naceu co obxectivo de reflexionar sobre a lingua galega e que acumula case 400 funcións arredor de todo o territorio galego. 

A compañía teatral catalá Titzina chega a Ames coa representación de “Búho” este venres, 3 de febreiro

A Casa da Cultura do Milladoiro acolle este venres, 3 de febreiro, a representación da obra de teatro “Búho”, da compañía catalá Titzina Teatro. Será ás 20:30 horas. A obra narra —en castelán— a historia de Pablo, un antropólogo forense que sofre un ictus e acaba padecendo amnesia severa. Os espectadores poderán asistir a unha procura interior pola súa memoria para recuperar as súas lembranzas, e, en definitiva, a súa identidade. Esta representación forma parte do convenio asinado entre o Concello e a Axencia Galega de Industrias Culturais (AGADIC), e da programación cultural de Ames para o primeiro semestre do ano. As entradas xa se poden adquirir na Billeteira electrónica do Concello.

A Concellaría de Cultura pon en marcha o programa “Abril de cine”

A Concellería de Cultura vén de organizar unha nova iniciativa cultural para o vindeiro mes de abril. A través do programa “Abril de cine” a veciñanza amesá poderá gozar de tres sesións de cine con filmes galego durante os mércores de abril. A primeira película que se proxectará será Ons, o vindeiro día 7 de abril na Casa da Cultura de Bertamiráns. A seguinte sesión será o 14 de abril co filme A Illa das mentiras, na Casa da Cultura do Milladoiro. A terceira e última sesión realizarase o día 21 de abril, tamén na Casa da Cultura de Bertamiráns. Neste caso proxectarase o filme Trote. Todas as proxeccións serán ás 20.00 horas. A entrada é de balde e débese reservar o convite a través da billeteira electrónica do Concello de Ames. Este programa está patrocinado pola Deputación da Coruña.

A Concellaría de Cultura presenta unha nova edición do programa Abril de Cine, que achegará a Ames sete pezas audiovisuais

Esta mañá celebrouse a presentación de Abril de Cine, unha iniciativa encadrada dentro da programación organizada polo departamento de Cultura do Concello de Ames. O obxectivo do proxecto é achegar o cinema galego á veciñanza amesá. Nesta ocasión, no marco do Abril de Cine proxectaranse as películas O corpo aberto, Matria e As Bestas; a web serie Pringadas; as curtas La entrega e Solpor e o documental Fontán. O primeiro rostro de Galicia. O acto de presentación tivo lugar no auditorio da Casa da Cultura do Milladoiro, lugar no que se proxectarán todas as pezas, e onde o pasado outono se realizou unha modernización das infraestruturas. As entradas poderanse adquirir a través da Billeteira electrónica do Concello de Ames. 

Eventos del departamento

> Clausura da Escola Municipal de Teatro

A Escola Municipal de Teatro de Ames prepara as súas mostras de fin de curso, nas que o alumnado representará ante o público varias obras adaptadas. As funcións darán comezo o mércores 14 de xuño, e alongaranse ata o vindeiro mércores, día 21. Participarán os grupos con idades de entre 3 e 6 anos, entre 7 e 11 e os maiores de 12 anos. A dirección da escola corre a cargo da compañía Talía Teatro, con Marta Ríos e Diego Rey como encargados de impartir a formación.

> Clausura da Escola Municipal de Teatro

A Escola Municipal de Teatro de Ames prepara as súas mostras de fin de curso, nas que o alumnado representará ante o público varias obras adaptadas. As funcións darán comezo o mércores 14 de xuño, e alongaranse ata o vindeiro mércores, día 21. Participarán os grupos con idades de entre 3 e 6 anos, entre 7 e 11 e os maiores de 12 anos. A dirección da escola corre a cargo da compañía Talía Teatro, con Marta Ríos e Diego Rey como encargados de impartir a formación.

> Concerto da Banda de música Ateneo de Negreira

O programa Ames Cultural inclúe a actuación da banda de música Ateneo de Negreira, en Bertamiráns.

> Concerto da Banda de música de Brión

Con motivo das festas do Milladoiro, e dentro do programa Ames Cultural, chega a actuación da banda de música de Brión.

> Concerto de Arevalo e Casquero na praza do Concello

A praza do Concello, en Bertamiráns, acolle hoxe a partir das 23:00 o concerto de Arevalo e Casquero e a actuación de D FederratoJ.

A iniciativa forma parte do programa AmesON, encadrado no Plan Reactiva Ames, co que o Concello pretende dinamizar os sectores cultural e comercial de Ames.

O concerto é de balde e o aforo limitado para manter a distancia e as medidas de seguridade e hixiene que impón a loita contra o COVID19.

> Concerto de Entroido da EMMA

A Escola Municipal de Música de Ames ofrece en febreiro dous concerto de Entroido. O día 15 terá lugar o recital miúdo de Entroido, que se celebrará na Casa da Cultura do Milladoiro ás 18:30 horas. Nel participarán os alumnos e alumnas máis cativos, que están dando os seus primeiros pasos no mundo da música. Doutro banda, o día 17, ás 19:30, haberá outro concerto, que correrá a cargo dos rapaces e rapazas máis maiores, e que xa contan cun amplo bagaxe musical. Tamén terá lugar na Casa da Cultura do Milladoiro. Así, entre ambas xornadas desenvolveranse actuacións de todos os combos e grupos da EMMA.

> Concerto de fin de curso da EMMA

Este venres, 17 de xuño, remata o curso lectivo 2021/2022 na Escola Municipal de Música de Ames. Como soe ser tradicional, para pechar o curso realízase un concerto, pero este ano será no exterior da Casa da Cultura do Milladoiro. Participarán uns 130 alumnos/as en diferentes agrupacións onde poderán despregar todo o seu talento e demostrar así todo o aprendido durante o curso.  Escoitarase un repertorio musical moi variado, que inclúe pezas de estilo tradicional, clásico e moderno. Debido á celebración de dito concerto, queda prohibido estacionar no aparcadoiro da Casa da Cultura do Milladoiro, dende a media noite (ás 00.00h) do mércores 15 de xuño ata a media noite (ás 00.00h) do venres 17 de xuño.

> Concerto de Luar na Lubre

O Campo da Festa de Ortoño acolle, a partir das 19:00 horas, o concerto de Luar na Lubre. A actuación está incluida na programación Ames Cultural para os meses de verán. 

> Concerto de Nadal de cámara

Dentro da programación de Nadal do Concello de Ames, o mércores 21 de decembro, ás 20:00 horas, celebrarase un concerto de música de cámara na Casa da Cultura do Milladoiro, da man da asociación Peregrinos Musicales. O cuarteto de corda está composto por Sergey e Alexander Arutyunyan (violín), Bruno Miguel Pinheiro (violoncello) e Larissa Shomina (viola e clave). O programa terá unha duración aproximada dunha hora e contará con obras de grandes compositores como Haendel, Vivaldi, Paganini, Milsten, Bach, Mozart e Torelli. Os convites, de balde, poden descargarse na Billeteira electrónica do Concello de Ames.

> Concerto de Nadal dos grupos de música e baile tradicional

Dentro da programación de Nadal do Concello de Ames, o domingo 18 de decembro, ás 19:00 horas, celebrarase un concerto na Casa da Cultura de Bertamiráns no que actuarán os grupos de baile e música tradicional A Requinta da Maía, Airiños do Paseo de Colón, As Maianas, Os retranqueiros e Os Castros. A duración do recital será de aproximadamente 75 minutos, e os convites son de balde (poden descargarse na Billeteira electrónica do Concello de Ames).